urdurecipebook.com

Best facial massage techniques |keep your face fresh always │beauty care tips

chehray par massage karne se douran khoon mein ravani aati hai aur yeh ravani skin dryness se mehfooz rakhti hai. maahir Doctors ke mutabiq agar baqaidagi se massage kya jaye to nah sirf halqay aur jhuriyan khatam hoti hain balkay skin ki lachak aur rangat mein bhi behtari aati hai. Is k ilawa massage zehni wa jismani thakawat ko bhi daur karta hai.

lekin behtareen result isi soorat mein milta hain jab yeh bilkul sahih tareeqay se kya jaye. Massage karte waqt is baat ka zaroor khayaal rakhen ke aap ke chehray par kisi qisam ka infection, soojan ya zakham mojood na ho. Massage har tarha ki skin ke liye allag hota hai. mein aap ko chand massage ke baare mein bta raha ho. un par amal kar ke aap bhi skin ko khobsorat bana sakti hain .

Different Types of Massage

  • benefits of milk cream massage on face
  • benefits of milk and honey on skin
  • benefits of egg and honey on face
  • benefits of milk and lemon on face
  • benefits of arq e gulab on face
  • roghan e badam benefits
  • benefits of almond oil and lemon for face
  • Face massage for glowing skin
  • benefits of dahi for face
  • benefits of olive oil for skin whitening
  • facial massage for beautiful face

Massage Milk Cream

khushk skin ki haamil khawateen chehray par Malai se massage karen. koshish karen ke Malai ko thanda karkay istemaal karen yeh chehray ke daagh dhabbay daur karny me madad karti hai.

Massage Honey and Milk Cream

shehad mein Malai mila kar raat ko sotay waqt laga len. kuch der ke baad halka sa massage karkay utaar len. is sey nah sirf rangat mein nikhaar aeye ga balkay daano aur daagh dhabbon mein bhi farq pary ga .

Massage Egg and Honey

1 anday ki safedi aur 1 khanay ka chamcha shehad mix kar len. phir chehray aur gardan ka aahista aahista massage karen. is se aap ki skin mein chamak aajay gi.

Massage Milk and Lemon

Milk mein lemoo ka arq mila kar din mein 2 martaba chehray par massage kary. is se chehray ki rangat mein nekhar ata hai.

Massage  Arq-e-gulab (Rose Water)

chand qatray Arq-e-gulab ke hatheli par laga kar chehray par massage karen. Arq-e-gulab skin ki jalan khatam karne ke liay nihayat umda nuskha hai.

Massage Roghan-e-badam (Almond oil) and lemon

1 khanay ka chamcha roghan-e-badam mein aadha lemoo ka ras mila kar rozana hathon aur chehray ka massage karen. roghan-e-badam ke istemal se skin mulaem hojaye gi .

Face massage for glowing skin

anday ki zardi, shehad aur roghan badam mila kar mixture banalen. is se hathon aur chehray ka massage karen. is se aap ki skin chamak daar hojaye gi.

Yogurt (Dahi) face massage

1 chamcha dahi aur 1 chamcha cheeni barabar miqdaar mein le kar achi terhan mix karlen. is se chehray ka massage karen aur paanch minute baad neem garam pani se chehray ko dho len. Yogurt (dahi) se chehray par massage krne se namodaar honay wali jhuriyon  Khatim ho jaiygi.

Olive oil massage faical

Zaitoon ka tail halka sa garam kar ke halkay hathon se chehray par massage karen. Zaitoon ka tail skin ko nami bakhshta hai. Skin ki sehat ko behtar banata hai.

Face Massage for Wrinkles

neem garam roghan-e- badam mein chand qatray arq-e- ghulaab mila kar chehray par halkay hathon se massage karen. yeh amal paanch minute taq jari rakhen. is se chehray par namodaar honay wali jhuriyon ka Khatim ho jaiygi .

Face Massage for dry skin

Malai mein thori si haldi mila kar chehray ka massage karen. is se nah sirf  skin ki khushki Khatim hogi balkay rangat mein bhi nikhaar aeye ga.

Face massage for smooth skin

badam ki gireyon mein khashkhaash aur arq-e-ghulaab mila kar chehray par lagayen, phir neem garam pani se mun dho kar arq-e-ghulaab laga len. is se chehray par ronaqe aajay gi .

Face massage for pimples

besan mein thora sa sarson ka tail mila kar aahista aahista chehray par milein. yeh chehray par namodaar daano ke liye mufeed hai.

Face massage for acne

glycerine mein lemoo ka ras mila kar rozana chehray par massage karen. is se nah sirf rangat mein nikhaar aeye ga balkay keel mahason ke liye bhi behtareen hai .

Face massage for bright and glowing skin

pani mein sirka mila kar massage karen is ke istemaal se chehray par shadabi aur chamak aajay gi .

 

Leave a Comment

Your email address will not be published. Required fields are marked *

*